Summary
Gydlynydd Prosiect
Rydym yn chwilio am Gydlynydd Prosiect i gefnogi’r tîm yn Nant Ffrancon ger Bethesda er mwyn cyflwyno prosiect uchelgeisiol i weithio gyda’r gymuned leol er mwyn adfer natur ar draws y dirwedd.
Mae “Natur i Bobl Nant Ffrancon” yn brosiect Cronfa Rhwydweithiau Natur gwerth £1 miliwn a ariennir gan Lywodraeth Cymru mewn partneriaeth â Chronfa Dreftadaeth y Loteri Genedlaethol a Chyfoeth Naturiol Cymru tan 2029.
Oriau a Phatrwm Gwaith:Mae’r oriau gwaith yn 22.5 awr yr wythnos. Gellir trafod y patrwm gweithio yn y cyfweliad gan y gall fod rhywfaint o hyblygrwydd ynghylch a yw’r oriau’n cael eu gwasgaru dros 3, 4 neu 5 diwrnod yr wythnos.Unwaith neu ddwywaith y flwyddyn efallai y byddwn hefyd yn gofyn am gymorth gyda digwyddiadau gyda’r nos neu dros y penwythnos.Cyflog: £27,612 pro rata i 22.5 awr yr wythnosContract: Contract Tymor Penodol tan 31ain Mawrth 2029
Mae’r gallu i gyfathrebu’n effeithiol yn y Gymraeg hyd at lefel 5 (siarad, gwrando, darllen ac ysgrifennu) yn hanfodol ar gyfer y swydd hon. Aliniwch eich sgiliau â’r Fframwaith Iaith Gymraeg sydd ynghlwm.
Rydym yn falch o’r rhan mae’r Gymraeg yn ei chwarae yn y llefydd a’r cymunedau rydym yn gofalu amdanynt ar hyd a lled Cymru. P’un a ydych chi’n siaradwr Cymraeg rhugl, yn ddysgwr, neu’n hollol newydd i’r iaith, byddwn yn eich cefnogi i ddatblygu’r sgiliau a’r hyder sydd ei angen ar gyfer eich rôl ac er mwyn ymgysylltu gydag iaith a diwylliant Cymru fel rhan o weithio gyda’r Ymddiriedolaeth Genedlaethol. You can find the English version of this advert in the attachments.
What it’s like to work here
Wedi’ch lleoli yn ein swyddfa newydd a’r “hwb natur” yn Nant Ffrancon, byddwch yn aelod allweddol o’r tîm ac yn cefnogi darpariaeth y prosiect. Er fod y swydd hon yn y swyddfa yn bennaf, bydd cyfleoedd o bryd i’w gilydd i ymuno â rhai o’r tasgau ymarferol neu helpu i gynnal digwyddiadau ymgysylltu â’r gymuned.
Bydd yn lle prysur ac ysbrydoledig i weithio ac ar adegau bydd yr “hwb natur” yn fwrlwm o weithgarwch. Yn ogystal â thîm y prosiect, mae’r swyddfa’n cael ei rhannu â thîm o geidwaid, staff ymgysylltu cymunedol a rheoli ystadau – y bydd gan y rhan fwyaf ohonynt ran yn y prosiect hefyd. Bydd ymweliadau rheolaidd hefyd gan ysgolion, grwpiau gwirfoddol, ffermwyr tenant, cymdogion a staff o sefydliadau partner.
What you’ll be doing
Byddwch yn gyfrifol am gefnogi’r prosiect hyd at ei gwblhau. Bydd hyn yn cynnwys trefnu cyfarfodydd, a chadw llygad ar gyllidebau, adrodd ac amserlenni. Byddwch yn hyrwyddo cyfathrebu agored ac ymarferol, yn cadw cofnodion a chwblhau gwaith gweinyddol, wrth fod yn barod bob amser i fwrw iddi a chynnig cymorth ymarferol gyda’r prosiect pan fo angen.
Byddwch yn gweithio ochr yn ochr â thîm y prosiect ac eraill i sicrhau bod y prosiect yn rhedeg yn esmwyth, gan adrodd yn rheolaidd i’ch rheolwr llinell. Trwy feithrin perthnasoedd cryf, byddwch yn helpu pob aelod o’r tîm i fod ar eu gorau ac yn gynhyrchiol er mwyn cyflawni uchelgeisiau’r prosiect.
Who we’re looking for
Byddem wrth ein bodd yn clywed gennych os ydych chi’n:
The package
Yr arwyddair sydd wrth wraidd yr Ymddiriedolaeth Genedlaethol yw ’I bawb, am byth’. Rydym yn gweithio’n galed i greu diwylliant cynhwysol, lle mae pawb yn teimlo eu bod yn perthyn iddo. Mae’n bwysig bod ein pobl yn adlewyrchu ac yn cynrychioli amrywiaeth y cymunedau a’r cynulleidfaoedd yr ydym yn eu gwasanaethu. Rydym yn croesawu ac yn gwerthfawrogi gwahaniaeth, felly pan ddywedwn ein bod ar gyfer pawb, rydym eisiau i bawb deimlo’n gartrefol yn ein timau hefyd.
…