Assistant Project Manager

Sylwch: contract am gyfnod penodol o 18 yw hwn

Diben swydd Rheolwr Prosiectau Cynorthwyol yw darparu cymorth i’r rhaglen ar gyfer yr holl brosiectau yn yr adran Profiad Cwsmeriaid.

Cyfrifoldebau’r swydd

• Cefnogi’r Pennaeth Gweithrediadau Profiad Cwsmeriaid a’r Pennaeth Ansawdd a Datblygu Profiad Cwsmeriaid i ddarparu amrywiaeth o brosiectau, drwy ddefnyddio methodolegau cadarn ar draws cylch bywyd prosiectau, gan weithredu cynlluniau prosiectau, amserlennu’r holl dasgau, y cerrig milltir allweddol a rheoli adnoddau i sicrhau bod y rhain yn cael eu cwblhau’n ddiogel ac mewn da bryd, yn unol â’r gyllideb a’u bod o ansawdd.




• Cynhal perthnasoedd gwaith effeithiol a chydweithio ar draws y sefydliad a’n partneriaid cyflenwi drwy gefnogi gweithgorau/timau prosiect ac is-bwyllgorau ar draws adrannau i sicrhau dull cyson o gyflawni amcanion y rhaglen yn effeithiol.




• Rhoi cymorth i’r Tîm Profiad Cwsmeriaid i sicrhau bod gwasanaeth effeithiol o ansawdd uchel yn cael ei ddarparu i gwsmeriaid, partneriaid a rhanddeiliaid yn eu cysylltiad â’r busnes, gan hwyluso profiad cwsmeriaid sy’n gwella’n barhaus.




• Cynhal perthynas effeithiol â rhanddeiliaid mewnol ac allanol i fonitro a bodloni’r gofynion sy’n benodol i gontractau a gwasanaethau.




• Darparu gwasanaeth rheoli prosiectau a rhaglenni proffesiynol ac effeithiol, gan gynnwys trefniadau llywodraethu prosiectau, y prosesau adrodd, y gweithgorau technegol a’r grwpiau llywio gweithredol, yn unol â’r prosesau a’r amserlenni angenrheidiol i sicrhau bod y prosiectau’n cyd-fynd â phrosesau TrC a’u bod yn cael eu cyflawni o safon ac yn unol â’r gyllideb.




• Cysylltu â rhanddeiliaid i ddeall eu hanghenion, trefnu a chymryd cofnodion yn ystod cyfarfodydd prosiectau, cydlynu tasgau prosiectau, a pharatai a chynnal dogfennau ac adroddiadau prosiectau.




• Monitro cynnydd prosiectau, cysylltu â rhanddeiliaid a darparu adroddiadau rheolaidd i amrywiaeth o randdeiliaid busnes a phrosiectau.




• Cefnogi’r Pennaeth Gweithrediadau Profiad Cwsmeriaid i adnabod ac i fonitro risgiau prosiectau a rhaglenni, gan gynnwys rhai sy’n ymwneud â chyllid, enw da, ansawdd, yr amgylchedd ac iechyd a diogelwch, gan gydweithio â’r gweithwyr risg proffesiynol priodol yn TrC a rheoli’r gofrestr risgiau i sicrhau bod TrC yn gallu gweithredu mesurau lliniaru effeithiol. Darparu dogfennau ategol i sicrhau ein bod wedi pennu mesurau lliniaru risg a’n bod yn llywodraethu prosiectau’n briodol.

Am beth rydyn ni’n chwilio

• Gradd berthnasol fel Busnes, Cynllunio, (neu debyg) neu brofiad cyfatebol.




• Profiad o gefnogi’r gwaith o ddarparu prosiectau.




• Profiad o ddarparu profiad rhagorol i gwsmeriaid mewn amgylchedd sy’n delio â chwsmeriaid (fel canolfan gyswllt, manwerthu, lletygarwch)




• Profiad o weinyddu dogfennau rheoli prosiectau gan gynnwys adnoddau olrhain camau prosiect, rhaglenni, adrodd am brosiectau, prosesau risgiau a phroblemau.

Er nad yw sgiliau Cymraeg yn hanfodol ar gyfer y swydd hon, byddent yn ychwanegiad gwych at eich cais.

#J-18808-Ljbffr…